Х.Бөхманд: Салхины нөхөр

Толгодоо өнгөрвөл
Тогоотой сүүтэй
Тойргийн хоёр айл
Тойргийн айлд
Салхин ирчхээд
Тойрч өнгөрдөг гэнэ
Үүлтэй өдөр
Утаа нь харагдахгүй
Утаатай гэнэ
Үүд нь онгойхгүй
Хоёр хүн
Дундчилж уулздаг гэнэ
Үнэхээр тийм байна
Үгний салхинд итгэлээ
Салхинаа хөтлөөд
Салхинаа л хөтлөөд явъя даа …

2015.11.07
Токио

Х.Бөхманд: Зэрэглээ, Уул, Нар 

Зэрэглээ

Яг чам шиг ухаантай
Хоньтой хоньгүй
Дүрсэнд нь дуглаад …

Уул

Бас чам шиг ухаантай
Талтай талгүй
Талтай харагдаад …

Нар

Яг над шиг тэгнэгдээд
Чамтай чамгүй
Чимж л тойрч хэрэлдээд …

2015.11.07
Токио

Х.Бөхманд : Тунирхаж бичсэн шүлэг

Дутуу бичсэн шүлгээ
Толиныхоо өмнө тавьдаг
Дур зоргоороо тэр
Өөрийгөө олж хардаг
Хагас бичсэн шүлгээ
Хаалганд нь нааж тавьдаг
Үзэн ядуулж уруулчихаад
Өр өвдөж түүхийг нь хардаг
Бүтэн болсон шүлгээ
Түүнээрээ хуулуулж хадгалдаг
Бүр шүлэгч юм аа гэхээр нь
Бүр шүлэг юм аа гэж өөрийг нь хэлдэг
Би
Шүлэгч биш
Хүн ч биш
Үдийн голд унтахад
Хөлийг чинь сэрвэгнүүлсэн
Ялаа байсан бол юутай сайхан …

2015.11.08
Токио
...

Х.Бөхманд: Зургийн зааланд чамтай ахиж очихгүй

Гэдийж байгаа хөргүүдийн дундуур өнгөрөхөд
Тонгойх гэдэг үг нь би
Гүдийж байгаа буузнуудыг жигнэхэд
Өвс болгож иддэг нь чи
Үхэгсдийн дэргэд
Үхсэн нь би
Амьд нь тэд
Хоолны дараа
Идсэн нь би
Цадсан нь чи

2015.10.29
Токио
***
Үргэлж зүүдэлдэг чиний
Үүрдэг цүнх л сэрхий

2015.11.08
Токио
***
Модны доор
Чамтай болзохгүй ээ
Болохгүй бүтэхгүй гэдгийг
Хэлэх гээд байгаа юм шиг
Салаа нь бүр үржүүлэх тэмдэг

2015.11.08
Токио
***
Энэ хөөрхөн гөлөгийг
Зуудаг нохой болно гэж бодсон юм.
Мууртай тоглоод болдоггүй ээ
Чамд өгчихье
Уяж тэжээхийнхээ оронд …

2015.11.08
Токио
...

Х.Бөхманд: Нүүрний будаг 

Нүүрний будгийг арилгаад өгөөч гэж хэлчхээд
Нүдээ аньсан чигээрээ хэвтчих чиний
Нүгэлтэй юм шиг битүү дотроо гүлдгэнэх
Наад хоёр бөмбөрцгийн нэг нь
Цавчиж унадаг чулуу байж
Үнсхэд минь цочихдоо
Уруулыг минь нам даржээ .
Цаас тэжээсэн хөө шиг хардал арилахад
Будаггүй чамд
Бодлогогүй үг ярьдаггүй ээ …
Чи энгийн байхдаа
Гэмтэй атлаа гэрэлтэй
Бүр ч дотроосоо …


2015.10.23
Токио
...

Х.Бөхманд:Харанхуй шөнө гагцаар хэвтхэд

Харанхуй шөнө гагцаар хэвтхэд
Үхлийн тухай бодож айдаг
Бодохгүй гэх тусам
Бодож атийдаг


Харанхуй шөнө гагцаар хэвтхэд
Өөрийнхөө тухай бодожаар жихүүцдэг
Цагтаа сайн муу бие сүүдрээсээ
Сална гэхээр зовдог

Харанхуй шөнө гагцаар хэвтхэд
Атгахон сийрэглийн
Агаар нь үгүйд боломжийн
Үзэн ядхад мандмаар
Өрөвдэхэд шингэмээр
Өрөвчхөн нар болж
Өнгө ньгүй гэрэлтэй байж алмайрдаг

Харанхуй шөнө гагцаар хэвтхэд …

2013,3,31 тоокио
...

Х.Бөхманд: Хар Зураг

Сэвхийн үсрэх алаг муур
Сэлүүхэн толинд
Ижлээ хараад мэлтгэнэжээ .
Ярсайж яваа юм байна
Мяраах аргагүй ойрхон оо
Ягирч байгаа юм байна
Зугтах аргагүй холхон оо
Хулгана барьдаг хумстай юм даа
Илд байлгая
Хоорондоо гаргахад
Мохдог ч юм уу даа
Иртэй байлгая
Ийн тэрээр харсаар байтал
Ижил нь арслан болоод хувирчээ .
Айдасгүй гэдэг минь
Айдас ч юм уу даа
Айлгаж байж
Амаръя гэхэд
Авдар харин хөдлөх шиг болжээ …

2013,4,22 токио
...

Х.Бөхманд: Цаг хугацаа бид хоёр

Цаг хугацаа намайг зурж
Би цаг хугацааг зурж
Цаас шиг хорвоод
Бэх шиг уусаж
Бие биенээ зурсаар л…
Цагирагласан могой шиг нарны
Хэлээр нь зүрхээ ороолгож
Цагийн алаг доголыг татаж чадаагүй
Алдаж , бас зурсаар…
Хэрэм харайх шиг цаг хугацаа
Хэрэм дээр минь цонх босгож өгөх шиг
Хээр шиг ухааныг минь
Гэр шиг тархиараа зурсаар…
Цаг хугацааг би
Цамцаа элээх шиг зурсаар…
Цаг хугацаа нэмж
Царайндаа дүрхэж зурсаар …
...

Х.Бөхманд: Романс

Хэрвээ тэнгэр тал байсан бол
Чам шиг цэцгээр дутна
Хэрвээ тал тэнгэр байсан бол
Чам шиг үүлээр дутна
Эгнэшгүй чи
Цэцэг эсхүл үүл
Өөрөө ч гэсэн хорвоо оо …

2013,8,16 токио

※※※

Зомгосон гургуулыг хэрчхүеэ
Гулгамтгай гэдэг нь аргагүй
Мах нь дээр нь , яс нь доор нь ормуй…
Яагаад ч юм бэ бүр хэрчүүлэх дургүй
Яг л нүд нь намыг хараад байх шиг …
Зомгосон гургуулыг хэрчих нь
Өөрийгөө өөртөө хэрчих мэт ээ…
...

Х.Бөхманд: Эх орон