Гудамжинд



Хоолой аргасан архи ходоод уруу нь орно

Хог дотроос тэрээр лонх эрж гэлдэрнэ

уусан жаргалдаа шатан

Унасан бие нь л амсрыг нь орлоно



※※※

Бүрхэг өдөр би урт сүүрс алтдаг

Бөөм бодол минь бүхнээрээ зүүдээр орлогддог

Бүрхэг өдөр би өөрөө бүрхэг болдог өө …



2007.2.22

Бүрдэн

Х.Бөхманд: Он жил

“ Үсэн бууралтахдаа үзсүгэй ” гэсэн
Их сургуулиа дүүргэх үеийн
Найзынхаа бичээсийг
Өнөөдөр би харлаа …

2007.6.29

Х.Бөхманд: Миний чиний

Миний …
Дээшээ харах нь
Тэнгэр гэсэн үг
Доошоо харах нь
Газар гэсэн үг
Урагшаа харах нь
Зам гэсэн үг
Арагшаа харах нь
Чи гэсэн үг
Чиний …


2015.11.10
Токио

Х.Бөхманд: Чавгын намар

Чавга нь улайв
Цааш харсан тэнгэр уул нь
Хоосон сагс шиг уйтгарлав …
Чавгыг нь амсахад
Тэнгэр нь ч улайж харагдав …

2000 он

Х.Бөхманд: Энэ өрөөнд

Энэ өрөөнд
Үнэн болоод худлынх
Дүрхэдэг , бас арчдаг
Нүүрний чинь будаг бий
Энэ өрөөнд
Сайн болоод муугийнх
Асдаг , бас унтардаг
Ширээний чинь лаа бий
Энэ өрөөнд
Ариун болоод бузрынх
Уугьдаг , бас харладаг
Цөгцний чинь хүж бий
Энэ өрөөнд
Төр болоод түлээнийх
Өмсдөг , бас эвхдэг
Хоргоны чинь хувцас бий
Энэ өрөөнд
Шударга болоод залиных
Ордог , бас гардаг
Захын салхи бий
Энэ өрөөнд
Баяр болоод гунигийнх
Уудаг , бас бөөлждөг
Чиний архи шиг би бий
Энэ өрөөнд
Хайр болоод хардлагынх
Татдаг , бас ханиадаг
Миний тамхи шиг чи бий
Энэ өрөөнд
Минийх болоод чинийх
Иддэг , бас голдог
Үрчийсэн хоол бий
Энэ өрөөнд
Уул б...

Х.Бөхманд: Хүний төлөө

Аваа өгөө болоод түнхийж байсан хөх уул
Аваад дарсан юм шиг барааг нь тавьж өгдөггүйд нь
Шүлэг бичлээ .
Хөхөвчийг нь тайлах шиг модыг нь огтолчхоод
Ийм хурдан үү чи гэж хэлүүлэх юмсан .
Хорссон байхдаа …
тиркаог нь урах шиг чулууг нь шидчихээд
Тийм ч биш дээ чи гэж гайхуулах юмсан .
Хайрласан байхдаа …
Тэгээд
Уул даваад
Уулаа мартаж
Ууланд очих
Хүний дөлөө
Тал болоод үлдэх юмсан .
Үхтлээ амьд явахдаа …
Амьд явтлаа үхэхдээ …


2015.10.16
Токио

...

Х.Бөхманд: Зүгээр л ийм

Өмдөө тайлчхаад
Юүпгээ өмсөөрэй гэж
Чамд хэллээ.
Аа - гэж
Нарийн өмдтэй хүнээс
Бүдүүн дуу гарахыг сонсох гэсэн юм аа
Хөх өнгөнд дуртай хүний
Улаан өнгө голохыг харах гэсэн юм аа
Чих нүдэндээ өөрийг чинь оруулчхаад
Чимээгүйхэн толгойгоо сажих гэсэн юм аа...

2015.10.17
Токио

Х.Бөхманд: Миний хайраа чадна  аа

Бээрсэн болжмор шиг
Алдаа онооны хоёр гар нь
Зүрх тэмтрэн чичрэхэд
Уучлаарай гэдэг үгэнд нь сэрвэлздэг
Улаан навчтай мод билээ би
Хүн доогуур нь өнгөрч боломгүй дусалсан
Бороотой оо …

Сочсон бөжин шиг
Жаргал зовлонгийн хоёр гар нь
Элэг зуран сэвхийхэд
Ухаантай шүү гэдэг үгэнд нь үндэслэдэг
Бор салаатай мод билээ би
Хүн дээгүүр нь харж боломгүй гялтганасан
Цастай аа…


2015.09.28
Фукуока
...

Х.Бөхманд: Гарчиггүй

Яг энэ агшинд би салхины амтыг мэдэрдэг
Чамд авсан хувцаснууд гологджээ.
Хуруугаа имэрч хүлээхэд
Намраас өөр өгөх юм алга аа...
Яг энэ агшинд би
Салхины амтыг мэдэрдэг ээ...

Tokyo 2015.10.15

Х.Бөхманд: Бор дэр

- Надад дурладаг залуу
Зөндөө байдаг гэдэг үгийг чинь
Сонсох бүрдээ
Намрыг би алдмааргүй болчихдог юм...
Наад хөнжилэнд үнэрээ үлдээгээд
Гарах болгонд нь
Хүрэн, бас хөндий өрөөгөөр минь
Нил ягаан горьдол тэнэх юм...

Өнгөрсөн долоо хоног
Хаа нь юу хийж байв гэж
Асуух бүрд нь
Өвлийг би авмааргүй болчихдог юм...
Өөрийнх нь алчуураар нь хөлөө зүлгэсэндээ
Харамсах болгонд минь
Өнгөгүй өрөөнөөс минь
Өнгөтэй шунал нисэх юм...

- Хайртай хоёр сэтгэл
Дундчилж уулздаг юм аа
Хайраа гэхэд нь
Харж ханашгүй өөрт чинь
Дурлаж дундаршгүй ээ гэж би ярих юм...
Гоёулж дотносохын шалтаг
Үггүй жимийх уруулыг харж суухуй...