хас сод:нар сарны учрал

хурдан морины туурайдаа
хуй салхийг гишгэж
хурц мэргэн Есүхэй хан
Хонгирадын нутагт орлоо

Хонгирадын эзэн дай цэцэн
холоос угтан авч
хун цагаан гэртээ
хурим бэлтгэн зочлов

архи найрын дунд
аяны учирийг хэлэлцэж
aлдрай хөвгүүн тэмүжиндээ
авгай гуйхыг мэджээ

дай цэцэн эс мэдэгчээр
Тэмүжин сэмээр ажсанд
тэнгэрийн хөвгүүний сүр гэрэл
түүний биеэс харагдана

луу гийн хоёр нүдэн дээр
гардын жигүүр шиг хөмсөгтэй
хасын саран царай дээр
хайрхан уул шиг хамартай

өндөр сүрлэг нуруундаа
өрлөг төрийг өргөмөөр
өргөн ханагар цээжиндээ
өнөр дэлхийг багтаамаар

ер бус ийн энэ хөвгүүн
ертөнцийн эзэн мөн гэж
үзэж тоосон дай цэцэн
охин Бөртээлжинээ учруулав

хурийн сайхан цэцэг шиг
хун цагаан охин
хулсан лимбэ шиг дуугаар
холын зочинд мэндлэв

хас цагаан бүртгэлжин
ханат гэрийг гэрэлтүүлсэнд
хан Есүхэй баатар
хараа бэлчээн шинжив

нүд дүүрэн галтай
нүүр дүүрэн гэрэлтэй
навчин сайхан хөмсөгтэй
нарийн хээнцэр бэлхүүстэй

төрсөн галбир төрх нь
төв ихэмсэг шинжтэй
төрийн эх болох ийн
төлөв илхэн тодорно

бахдан бахдан шинжээд
баатар Есүхэй тоов
бэрээ болгох санаагаа
бяцхан Тэмүжинд хэлэв

ухаант хүү Тэмүжин
урагш давшин сөгдөж
учирсан сайхан бөртээтэй
ураг холбохыг зөвшөөрөв

нарс майлсан мод
намаа салаагаараа холболдов
налгар хөх тэнгэрийн
наран саран учрав

/ Түмт Чо. Шинэ хөрвүүлэв/