Х.Бөхманд:Гурван мөртүүд

※※※

Хаврын ногоо
Харагдахгүй
Үнэр нь ургана

***

Үхэр зулгаасан цэцгэн дээр
Эрвээхий суухыг харлаа .
Хэнийг нь тэнэг гэх бол ?

2013,5,27
Токио

***

Дэнгийн доор харанхуй
Эрвээхий нисэх нь
Харагддаггүй …

2013,4,3
Ттокио

***

Халуун кофе-гоо асгав
Халуун биш шүү гэх шиг
Харласан чигээрээ газарт …

2014,10,27 Токио

***

Онгойлгосон цонх
Ниссэн эрвээхий
Бүр хээр тал …

2012,1,6
Сакуба хот

***

Далиа сэгсчих болжморыг хараад
Шүхрээ шидэхэд ч
Шүхэртэй агшин …

2012,5,13
Сакуба хот


...

Х.Бөхманд: Өөрийнхөө дэргэд явна би

Өдөр явна
Нэг гар гэгээ заана
Нөгөө гар зам заана

Шөнө явна
Нэг хөл харанхуйгаар явна
Нөгөө хөл замаар явна

Өдөр шөнө хамтдаа ир л даа ,
Өөрийнхөө дэргэд явна
Би …

Х.Бөхманд: Дараа нь би ч чамайг голно

Үнсхэд уруулын чинь
Будаг байг …
Үс чинь ширэлдэхэд
Сам байг …
Харанхуй хараараа …
Чи би хараараа …
Байхгүй гэдэг үг
Баян болтлоо байг …
Чиний шөнөжингөө зажилсан
Хар бохь
Чамд цагаан харагдталаа
Би шөнө байг …
Дараа нь
Би ч
Чамайг голно …

2014,10,27
Токио

Х.Бөхманд: Шөнийн дотор

Завтай үү гэж
Би
Түүнээс асуулаа

Заваа харъя даа гэж
Тэр
Надад хариуллаа

Завгүй юм шиг
Нар
Шингэчхээд …

Хаа уулзах юм бэ гэж
Би
Түүнээс асуулаа

Хаа гээд ч яах бэ гэж
Тэр
Надад хариуллаа

Хаа ч хамаагүй гэх шиг
Харанхуй
Нэтийчхээд …

Би эндээс
Харанхуйг
Сүвлэж асчхаад

Тэр тэндээс
Харанхуйг
Эмжиж гэрэлтчихэд

Хоёулаа
Шөнийг
Оёж нөмөрчихээд

… Хав харанхуй …
… Гэв гэгээхэн …

2013,11,16
...

Х.Бөхманд: Сэтгэлийн өнгө

Хардхын тоолонд ороолгож
Хайртай атлаа тунирхах чинийхээ
Тохой юунд гилэгдэж
Дорхноо шүхрийг нь өгч алхлаа
Чамламааргүй бороонд
Цаанаасаа уурлаагүй байхдаа ч
Би норлоо
Наашаа наашаа гэх үгэнд нь
Хуурдахаа ч болихдоо
Намуухан хоёр нүдийг нь сэмхэн харлаа
Уучлал хүсэх нулимс
Хацрыг нь даган бөмбөрч
Уруулаа ч хөдөлгөж чадамгүй байхад нь
Би өр өвдлөө
Уг нь намыг норгож орох бороог
Чи бороо гэдэг байжээ …
Ухаандаа
Чамыг уйлуулж орох бороог
Би бороо гэх байжээ …

2013,10,19 
Токио
...

Х.Бөхманд: Мод цавчих агшин

Цавчуулж цавчуулж унах
Энэ саглагар мод шиг
Чам уруу дохдож ойчсон
Хайр минь …
Салаа намаагаараа сарвайлаа
Агаараас өөр тэмтрэгдэх нь алга …
Шархирах голоосоо төөнөлөө
Газраас өөр
Тэврэх нь алга …
Доройж доройж оройгоороо өндийлөө
угаас минь өөр
Хүнд нь алга …
Уул нь чамаас иртэй
Сүх алга аа…

2013,3,19
Токио

***

Саранд үүл …
Цэцэгт салий …
Чамд би …

Үүлд сар …
Салхид цэцэг …
Надад чи …

2013,12
Токио
...

Х.Бөхманд: Миний монголын цэцэг


Миний бүрдийн цэцэг
Бие биенээ гэдэглэж
Налайж ургадаг

Би харахад
Шөвийж дэлгэрдэг
Сар наранд холтордог атлаа …

Миний нутгийн цэцэг
Солонгын дүрсэнд доглож
Өнөр ургадаг

Би харахад
Хумьж дэлгэрдэг
Салхны тарангуйлалд гулдайдаг атлаа …

Миний монголын цэцэг
Шувууны нисэлгэтэй нийлж
Эрх танхи ургадаг
Би харахад үрээ
Ургуулж амирладаг
Өрөөлийн гарт хааяа таслуулдаг атлаа …


2013,2,2
Токио
...

Х.Бөхманд: Миний зохионгуй

Намыг эс ойлгох хүнд
Би гомдож чаддаггүй юм аа …
-Тэмдэглэлээс

Шулуун мурий гээд ч яах бэ
Замаар нь явахаас биш
Зам дэвсээд явалтай ч биш
Би хурдан байна …
Сайн муу гээд ч яах бэ
Сарвайхад олдон
Саваагүй алдахаараа
Би баян байна …
Хэлсэн гишгэсэн бүхэндээ
Бүдрэхдээ яах бэ
Ер нь нисэх мөрөөдөлгүй босохдоо
Би жигүүртэй байна …
Цэцэн тэнэгээ шалгаад ч яах бэ
Чимээгүйхэн тэг дунд нь яваадаа
Би хайртай байна …
Хүсэл хясал гэж зүтгээд ч яах бэ …
Хүн биш явж хүн шиг амьдрахдаа
Би хүн байна …
Яг одоогоос би
Юу ч тоохгүй
Юунд ч тоогдохгүй
Шатсаар байх болно …
Өөртөө олдохын төлөө
Бусдад гэрэлтэй харагд...

Х.Бөхманд: Хараацай бид хоёр

Түрүүчийн бороонд
Норсон хараацай
Төө хир зайтай анивчаад өнгөрнө

Нисэж байгааг минь
Хараач ээ гэх шиг
Намыг тойрон эрхэлнэ …

Хараацай гэдэг
Нэрээ
Мэддэггүй атлаа

Хайртай шүү чамд гэж
Халуун хошуугаа
Хөртлөө

Над
Хэчнээн
Ярьсан байх …

Харин би
Тэрнээс
Өөрийгөө

Хэн гэдэг нэртэйг
Мэдэхийг
Юутай горьдсон гээч …

2014,10,20 
Токио

***

-Япон дахь амьдралдаа зориулав

Хорвоогийн бүх аягыг угаахаас
Хашрахгүй хүн даа би …
Хоолныхоо ганц аягыг угаахаас
Ззалхуурдаг хүн даа би …

2012,6,11
...

Х.Бөхманд: Эвлүүлж бүтээсэн шүлэг

Нулимсний тухай шүлэг бичлээ .
Сайн шүлэг болоогүй ээ…
Дараа нь
Дан нулимс зурчхаад
Хамтад нь өлгөлөө .
Бас болоогүй ээ …
Ахиад бодож бодож
Инээж байгаа түүгээрээ
Бариулчхаад харлаа .
Одоо болсон оо …

2015.11.06
Токио

***

Япон тэнгисийн хөвөөнд
Надад гологддог нэг шувуу бий ,
Донгодохыг нь амжуулаад
Ээж аав уруугаа утсаар яръя даа,
Хөөрхөн шувуу болог оо …

2015.11
Токио

***

Чи эндээс явж болно өө ,
Чимээгүйхэн шөнөө аваад …
Чи энд ахиад ирж болно өө ,
Дув дуугүй өдрөө авчраад …
Хариуд нь өдөр шөнө шиг үг хэлье :
Мөрөөрөө яв !
Байгаагаараа бай !

2015.11.05
Токио

***

Намайг сэрэхэд
Цонхон дээр
Н...